Heimur Evuu<33

9.10.2007 | 00:10

Æskubrot úr sveitinni.

Ég man það þegar ég var lítil, og var að gista í mín fyrstu skipti í sveitinni minni, þ.e.a.s. Enni í Húnavatnasýslu, þá þurfti ég alltaf að fela mig þegar fjölskyldan færi svo að litli bróðir minn yrði ekki fúll.
Þá yfirleitt svaf ég á milli ömmu og afa eða á dýnu á gólfinu hjá þeim.Þegar ég fór að eldast fékk ég mitt ''sér'' herbergi.
Ég man það oft, þegar afi og amma fengu heimsóknir og ömmur var hælt fyrir matinn sagði afi æfinlega, já þarna sérðu hvað ég er vel giftur.
Amma sagði aldrei neitt, en stoltið skein af andlitinu hennar.
Þau elska hvort annað, þau láta ekki mikið á því bera, en það er samt fallegt að sja hvað þeim þykir óendanlega vænt um hvort annað.
Að sitja í öðrum hvorum stofuglugganum og horfa á myrkrið, eða sitja framm í eldhúsi að vetrarlagi og sjá snjókornin svífa úr himninum í skini götuljósanna, þetta er draumur.
Lomber-kvöldin eru líka æðislegar minningar, þessir hressu karlar, koma til að hlæja, spila og hafa gaman.
Réttirnar, þessi æðislegi dagur, eða helgi, hitta svo margar, umgangast hrossin, stemmingin, yndislega kakóið hennar ömmu.
Þegar ég varð enn eldri fékk ég að vera ein í sveitinni. Ég sver það að ég mun aldrei á æfi minni upplifa eins yndislegann tíma og þau skipti. Þarna er ég raun eiginlega alveg útaf fyrir mig, get gert nokkurnvegin það sem ég vil. Það að fara í rökkrinu til graðhestanna á túninu, gefa þeim brauð, klappa þeim og eða bara tala við þá. Ég er svo ein, svo frjáls.

Amma mín&Afi, þau Ingibjörg Jósefsdóttir & Ingimundur Ævar Þorsteinsson eru án efa bestu og fallegustu manneskjur, bæði að innan og utan sem fyrirfynnast á jörðinni. Ég elska ykkur